طريقة عمل الملوخية با نوعها

مشرفه عدد المساهمات : 19

الملوخية

1- ملوخيه خضراء بالطيور

المقادير : -

1 كيلو ملوخيه خضراء
دجاجة كبيرة او بطه او ارنب
مقدار من مرقه الطيور المستخدمه
4 فصوص ثوم
ملح - شطة
2 ملعقة كبيرة كزبرة جافه
2 ملعقة كبيرة سمن

الطريقه : -

تسلق الطيور المستخدمة بالطريقة المعتاده
تقطف اوراق الملوخيه الخضراء وتجفف جيدا بفوطه ثم تفرم بإستخدام المخرطة او يمكن استخدام الملوخيه المثلجه
يفرم الثوم ونصف ملعقه شطه و2 ملعقة كبيرة كزبرة جافه
يغلي مقدار لتر من مرقه الطيور المصفاة لمده 5 دقائق مع اضافة جزء من الثوم المفري والكزبرة (( يمكن اضافة ثمرة طماطم على ان تصفى بعد السلق ويمكن الاستغناء عنها حسب الرغبة ))
تضاف الملوخيه المفريه مع التقليب ويجب الا تغلي اكثر من غلوتين مع مراعاة نزع الرغاوي التي تظهر على السطح وترفع من على النار
تحمر التقلية ( الثوم والكزبرة ) في السمن حتى يصفر لونها وتضاف الى الملوخية وتقدم

ملوخيه خضراء باللحم الضاني

المقادير :-

1 كيلو لحم ضاني بالعظم
1 كيلو ملوخيه خضراء مفرية
ملح - فلفل - شطه - كزبرة جافه
بصلتين
4 فصوص ثوم
مستكه - حبهان - ورق لاورا
جزره - كرفس
2 ملعقة كبيرة سمن

الطريقه :-

يسلق اللحم بالطريقة المعتادة ويصفى
تقطع البصله مكعبات وتدعك بالملح والفلفل وتضاف الى مرقه اللحم وتترك لتغلى حوالي 10 دقائق
تضاف الملوخيه المفريه مع التقليب وتترك لتغلي غلوتين فقط مع نزع الرغاوي
يقلب الثوم المفري والكزبرة في السمن ويضاف على الوجه
يمكن تقديم اللحم في طبق منفصل بجانب الملوخيه او يوضع في الوعاء مع الملوخية ويقدم

ملوخيه ناشفة

المقادير : -

1 كوب ملوخيه ناشفه
حزمة سلق وحزمة كزبرة خضراء
1 لتر مرقه دجاج او لحم
4 فصوص ثوم
2 ملعقه كبيرة كزبرة ناشفه
ملح -شطة

الطريقة :-

تنظف الملوخية الناشفة بإستعمال المنخل السلك الناعم للتخلص من الاتربه
يقطف السلق والكزبرة الخضراء ويفرم ناعما بالمخرطة ثم يضاف الى الملوخية ويدعك معا
يفرم الثوم والكزبرة الجافه والشطة
تغلي المرقه المستخدمه ويضاف اليها نصف التقليه بدون تحمير وتترك لتغلي لمدة 5 دقائق
تضاف الملوخيه والسلق والكزبره الناعم على المرقه مع التقليب وتترك لتغلي غلوتين وترفع من على النار مع مراعاة نزع الرغاوي التي تظهر على الوجه
تحمر باقي التقلية في السمن حتى يصفر لونها وتضاف على الملوخيه وتقدم

صحتين وهنا

مديره المنتدى عدد المساهمات : 104

انا بحب الملوخيه الخضراء جدا لكن مش بحب الناشفه

لكن هجربها اصلا الطريقه مع الصوره عجبتنى

انتى جووووعتينى اوى يا شروق بجد

انا جعانه وكسلانه اقوم احضرلى أكل

بس كده مضطره اقوم

تسلمى يا قمـــر وتسلم ايدك

يااااسلام على الملوخيه يا شروق

حبيبة قلبى الملوخيه ومن اكلاتى المفضله
فينا بتقول انها جعانه

طيب يا فينا فيه طبق فوووووول بقاله اسبوع فى التلاجه
الحمد لله اخير لقيت اللى هاياكل طبق الفوول

باهنا والشفا وممكن تاخدى اختك شروق معاكى
الطبق كبير وخير ربنا كتير

بشويش وانتو بتاكلوا يا بنات

مديره المنتدى عدد المساهمات : 104

فــــــــوووووول يا اينــــاااااس

وبقاله اسبـــــوووووووع كماااااااااان

طيب عاوزة اقولك انا وشروق اتعشينا وحلينا كماااان

وبألف هنا ليكى الفول يا قمــر

ياريت تاخدى ضاحـى معاكى اخوكى برضه يا نـــوســـــه

» طريقة وضع الشدو
» طريقة عمل الكبدة الاسكندراني بالصور