البنات بتحب ايه

عدد المساهمات : 46

ماهي الصفات التي تحبها البنت في الولد؟؟؟؟؟؟؟؟

*البنت متحبش الولد اللى بيتكسف عارف ليه؟ لان البنت بطبيعتها بتحب الولد الجرئ

يعني من الاخر الزوج اللي هيحميها ويحافظ عليها.

* ياريت تسترجل كدا وتبقي واد تقيل ومدبهدلش في مظهرك عارف انك هتقولي ماشي

علي الموضه اوك بس بحساب يعني بلاش تسقط البنطلون(لان البنت بتكره الشخصيه دي أوي).

*يكون لك شخصيه منفرد بيها لنفسك يعني موش عمرو دياب عمل خط في نصف راسه اتقل انت

موش جري ع الحلاق وعاوز اعمل نفس حلقه عمرو.

*ياريت وانت بتكلم معاها تكون زي ما بتكلم مع صحابك الشباب مع مراعاه الالفاظ طبعا

بس بلاش الحنيه الزياده وتفضل وانت بتكلم تشبه العصفور وهو بيصوصو.

*بلاش تظهر قدامها او بلاش توصلها انك الشاب الصايع اللى فاهم كل حاجه فى الدنيا عارف

ليه؟؟؟؟ عشان الصياعه ادب ثم اخلاق.

*بلاش ترسم عليها دور الواد الغني وكدا(علي الرغم ان في بنات بتعشق حاجه اسمها الفلوس)

بس اقصد من كدا بلاش الكدب الكتير لان البنت زكيه جدا وكدا هتسحقرك جامد.

* نصيحه للى مرتبطين .... لو عايز تحافظ على حبيبتك اللى ملكش غيرها حاول بقدر الامكان

انك فى اى لحظه غضب بلاش تتطلع من بقك اى لفظ مش تمام سواء ليها او لحد تانى وبلاش

برده العصبيه والصوت العالى الا طبعا اذا كانت هى غلطت هتقول انا هطرقع ليها ع طول تبقي

غلطان لان البنت بتحب الهدوء وبتكره الصوت العالي زيها زي البيبي الصغير بالظبط.

*تعرف اكتر حاجه بتكرها البنت في الولد ايه انه يكون بيشرب مخدرات لأنها عاوزه تجوز
واحد عاقل موش واحد حشاش.

*شوف هي بتحب ايه واعمله موش معني كدا انك تبقي زي الاراجوز يعني اعمل الحاجات

اللي هي بتحبها ولكن تكون انت كمان مقتنع بيها.

*بلاش الحركات التافه اه انا معاك هي بتضحك وانت من جواك ايه يا معلم حاسس انك عنتره

وعبله اعجبت بيك لأ أتنيل دي بتضحك ع الاراجوز اللي قدامها.

**من الاخر لو فى بنت عجباك وعاوز تتقدم ليها وتتجوزها حسب شرع الله يبقي بلاش كسوف

بس الاول اعرف هى مين وايه شخصيتها وايه نوع رد الفعل بتاعها واعرف هى ازاى هاتتصرف

عشان ماتحرجكش نفسك ولا تسببلك مشاكل لان البنات بصراحه حركاتها كتير اوي

مشرفه عدد المساهمات : 210

ميرسي جدا علي الموضوع
مان
تقبل مروري

» هل وأد البنات هو الحل؟!
» معاني بعض اسماء البنات